As persoas que teñades polo menos dezasete anos e non cumprades os requisitos académicos de acceso a ciclos formativos de grao medio (persoas que non posúan o título de graduado en educación secundaria obrigatoria nin un título profesional básico, nin outros estudos equivalentes para os efectos de acceso) podedes participar nestas probas de acceso cuxa estrutura e a organización das mesmas están definidas no artigo 38.3 do Decreto 114/2010, onde cada parte organizarase en probas de distintas materias, conforme o seguinte:
- a) Parte sociolingüística:
- Lingua castelá.
- Lingua galega.
- Ciencias sociais.
- b) Parte matemática:
- c) Parte científico-técnica.
- Ciencias da natureza.
- Tecnoloxía.
Para participar nestas probas podedes acceder, a través da páxina da Xunta, á aplicación informática que dispón dun asistente para cubrir a solicitude de inscrición telemática a ciclos formativos de grao medio . Se precisades consultar como se cubre a solicitude web ou a clásica podedes ir ao enlace de instrucións para a confección de solicitude
Se queredes máis información sobre estas probas de acceso a ciclos medios de FP podedes consultar a convocatoria 2020-2021