Certame de teatro

O Certame de Teatro Escolar e Afeccionado da Deputación da Coruña na súa XXIV edición está organizado polo IES Rosalía Mera, centro dependente da propia Deputación da Coruña. Trátase dun certame de eido provincial aínda que está permitida a presentación de grupos, compañías e centros educativos que non pertenzan á provincia da Coruña. Así mesmo, e previo estudo de viabilidade, poderán presentarse grupos e compañías de fóra de Galiza. As obras presentadas poderán pertencer a calquera xénero teatral. As compañías, grupos e centros educativos non poderán presentar a concurso as obras que xa presentasen nas edicións XXI, XXII e XXIII.

As categorías para participar serán as seguintes: benxamín (educación infantil e 1º e 2º de primaria), infantil (3º, 4º, 5º e 6º de primaria), cadete (alumnos e alumnas da ESO), xuvenil (de 16 a 25 anos inclusive) e senior (grupos e compañías de teatro afeccionado).

O prazo de inscrición rematará o venres 24 de febreiro de 2023 (inclusive), e unha vez rematado o prazo procederase á elaboración do calendario. O período de representacións das obras teatrais programarase dende a última semana de marzo ata a primeira quincena de xuño en horario de tarde nos días habilitados no formulario de inscrición.

Os/as interesados/as poderán acceder a toda a información e documentación relativa ó certame na sección de bases e inscricións.

Para a resolución de calquera dúbida poñemos a vosa disposición os seguintes teléfonos: 981 080 408 / 650 783 527 e enderezo electrónico: residencia.rosaliamera@dacoruna.gal

O horario de atención telefónico será os días lectivos no IES Rosalía Mera de:

Luns a xoves en horario de 10:00 a 14:00 e de 16:00 a 20:00h.

Venres en horario de 10:00 a 13:00 e de 15:00 a 17:00h.